ليس هذا وقت البوسترات يا لجنة الاسم العلمى – د. حماده خلف

الى اللجنة المكلفة بالاسم العلمى :
=====================
هل الجمعية العمومية اختارتكم علشان تطبعوا بوسترات ؟!!!!!!!!
وهل مشكلة الاسم العلمى فى البوسترات اللى هيتم طباعتها ؟!!!
وهل بطباعة البوسترات دى الاسم العلمى يبقى كدا اتطبق ؟!!!
طب انا عايز اسألكم سؤال اية الهدف من البوسترات دى ؟ هل هو الطبيب ام المريض ؟
ولو هو المريض هل انتكم كلجنة مقتنعين ان مجرد بوستر للاسم العلمى هتتغير ثقافة شعب ؟
على فكرة البوسترات والشغل الاعلامى مهم جدا بس دا مش وقته ولكن انسب وقت ليه
لما الشركات تكتب الادوية بالاسم العلمى ساعتها ييجى اهمية الشغل الاعلامى والبوسترات علشان تساعدنى فى انى اقدر اقنع المريض ان العلبة الصفرا هى هى نفس العلبة الخضرا اللى عليها نفس الاسم لكن اية اهمية البوسترات فى الوقت الحالى هل بالوسترات دى هنقدر نقنع كل المرضى المصريين ان العلبة الزرقا هى هى العلبة السودا اللى هم اصلا اسمهم مختلف وكل واحده ليها اسم معين ؟!
بصراحة كدا
انا حاسس ان اللجنة اما انها خايفة تتكلم مع الشركات بشكل مباشر
او انها اتكلمت وفشلت وعلشان كدا بيدونا شوية مسكنات بمشروع البوسترات دا .

18-Dec-2013