نظام التدريب فى صيدليات النهدى
كتب بواسطة د. محمد ياسين
http://www.facebook.com/topic.php?topic=153&uid=126194674080536
يبدا التدريب فى صيدليات النهدى منذ موصولك الى المملكة ولمدة شهر او 40 يوم تقريبا
فترة التدريب تعتبر من اهم الفترت فى شغلك مع النهدى لان على اساسها بتتحدد حجات كتير جدا
اهم حاجه بيحددوها فى فتر التدريب هى كفائات الصيدلى العلمية والغير علميه
زى شخصيتك طريقة تعاملك مع الناس اسلوبك فى التعامل ثقتك فى نفسك وحاجات كتير من كده وعلى اساس فترة التدريب يتم توزيع الصيادلة على الصيدليات المختلفة والأماكن المختلفة
يعنى الصيدلية اللى عليها ضغط شغل جامد غير الصيدلية اللى معلهاش ضغط او الصيدلية اللى فى مكان راقى والناس اللى بيتعاملوا معاها من نو عية ال هاى كلاس غير الصيدلية اللى فى المناطق الشعبية وقس على ذلك الكثير
على اساس ادائك فى التدريب وشخصيتك بتتحدد الصيدلية اللى هاتروح عليها
موضوع الكفالات دة على ماعتدقد مش مهم اوى فى التوزيع لان النهدى عندة نظام اعارة للكفالة من كفيل لاخر على حسب حاجة العمل
هناك راى اخر وانا من مويدى هذا الرأى ان الكفالة بتحدد المكان الى انت هتشتغل فية والتدريب بيحدد نوع الصيدلية اللى انت هتشتغل فيها فى المكان دة
نتكلم بقى على نظام التدريب
نظام التدريب فى ا لنهدى بينقسم لجزئين جزء نظرى وجزء عملى
الجزء العملىعبارة عن نزولك فى الصيدلية والتعامل
الجزء النظرى عبارة عن جزئين جزء الأدوية ودة السهل والجزء التانى وهو جزء التجميل وهو الأصعب
فى بداية التدريب كل احد بيستلم حاجه هناك اسمها المانيوال دة حاجة زى الأندكس اللى عندنا بس فى كل الآدوية اللى موجودة فى صيدليات النهدى
على كل صيدلى انة ينزل فى خلال فترة التدريب الصيدلية ويلم بكل الأدوية الموجودة واساميها التجارية والعلمية وجرعاتها واشكالها الصيدلانية المتوافرة وتحفظ كل الكلام دة
لانك هتتسئل فية فى امتحان نظرى وشفوى على ما اعتقد وكل بدرجات واللى بيجيب درجة اعلى بيبقى مميز اكتر وعلى العموم دة الجزء السهل بتاع الأدوية الما الجزء الصعب هو جزء الكوزمتكس لان الماركات العالمية هناك كتير وحاجات غالية وفى ناس كتير وانا واحد منهم ميعرفوش اى حاجة عنها وهى الحاجات دى اهم شى فى الصيدليات فى السعودية لانها غاليا وبترفع الشفت والسعوديات بيهتموا بالحاجات دية اوى وميترددوش انهم يشتروا الحاجات دى حتى لو غالية
ونظام التدريب فيها زى نظام الأدوية كده
دة كل اللى اعرفه عن التدريب حتى الأن فى النهدى اللى عندة معلومات اكتر ممكن يقولنا
لا تنسونا من صالح دعائكم