يعنى ايه “جدول اول” والكلام ده

بواسطة  د.أحمد عرابي

http://www.facebook.com/note.php?note_id=147230600207&id=100000160514242

بعد اصدار القرار الوزارى 309والقرار350 لسنة 2009

بخصوص ادراج جميع المستحضرات التى تحتوى على مادة ترامادول هيدروكلورايد او احد املاحها الى الجدول الاول الملحق بالقرار 487لسنة 1985

كثر الحيث عن الجدول وهذا يعارض وهذا يبارك والواقع ان كتير منا لا يعرف يعنى ايه جدول اول ومنا من يظن انه بذلك اصبح فى مرتبة المورفين والبيثيدين

كلمة جدول معناها قائمة ملحقة بقانون او قرار

مثلا هنلاقى فى 8جداول ملحقة بقانون الصيدلة 127لسنة1955 (كلام عقيم ملوش لزوم) كان مهم ايام مكانت فيه تركيبات

فيه 6 جداول ملحقة بقانون المخدرات 182 لسنة 1960

الجدول الاول الجواهر المخدرة منهم فيه المورفين والبيثيدين والهيروين والكوكايين والحشيش

الجدول الثانى حاجات مستثناه من الجدول الاول

الجدول الثالث للمواد التى تخضع لبعض قيود الجواهر المخدرة زى جميع مشتقات البنزوديازيبين و الترامادول

الجدول الرابع بيحدد الكميات التى تصرف

الجدول الخامس النباتات الممنوع زراعتها

الجدول السادس اجزاء النباتات المستثناة

(ما يعنينا هو الجدول الثالث )

مادة 27

لا يجوز إنتاج أو استخراج أو فصل أو صنع أو إحراز أو شراء أو نقل أو تسليم أى من المواد الواردة فى الجدول رقم (3) وذلك فى غير الأحوال المصرح بها قانونا.

مادة 44

يعاقب بالحبس مدة لا تقل عن سنة ولا تجاوز خمس سنوات وبغرامة لا تقل عن ألفى جنيه ولا تجاوز خمسة آلاف جنيه كل من أنتج أو استخرج أو فصل أو صنع أو جلب أو صدر أو حاز بقصد الاتجار أية مادة من المواد الواردة فى الجدول رقم (3) وذلك فى غير الاحوال المصرح بها قانونا ، وفى جميع الاحوال يحكم بمصادرة المواد المضبوطة.

طبعا الكلام اللى فى قانون المخدرات ده كلام كبير

عشان كده صدر قرار 487 لسنة 1985 بشأن تنظيم تداول الادوية المؤثرة على الحالة النفسية بالمؤسسات الصيدلية

وده فيه 3 جداول

جدول اول يصرف بموجب تذكرة طبية مدموغة وتسحب التذكرة وتسجل

وده زى ترامادول و الكيتامين والمستحضرات التى تحتوى على دكستروميثورفان 10% فأكثر

جدول ثانى بصرف بموجب تذكرة طبية مدموغة ولا تسحب التذكرة ولا تسجل وتختم بختم الصيدلية لمنع تكرار الصرف مثل مشتقات البنزوديازيبين والمستحضرات التى تحتوى من 5 الى اقل من 10% دكستروميثورفان , باركينول , ميجرانيل

جدول ثالث (مستحضرات مستثناه)زى ليبراكس

يلاحظ ان الترمادول و مشتقات البنزوديازيبين موجوده فى الجدول الثالث مخدرات والجدول الثانى مؤثرات نفسية

الاصل هو قانون المخدرات

يتم تطبيق القرار 487لسنة 1985 فى حالة الحيازة القانونية لادوية مسجلة (فى الصيدليات )

بمعنى ان الترمادول المهرب (الصينى )الغير مسجل يخضع لقانون المخدرات بالعقوبات المذكورة

وبصراحة

اى حد يشتغل فيه ميبقاش صيدلى يبقى تاجر مخدرات