استخدام الاسم العلمي للأدويه, حلم يساوي ملايين للصيدلي
التحكم بالكامل سيكون بيد الصيدلي, فلو كتب الدكتور مثلا سيبروفلوكاسين سيكون الصيدلي ملك قراره لأي شركه يصرف الدواء
فعلا أنا بحلم باليوم ده , ساعتها مش حنسمع كلمة “مش عايز البديل يا دكتور” من المريض
و مش حتبقى مضطر توفر ثلاثين ألف صنف أدويه شبه بعض
و حتقدر تجيب كميات كبيره على خصومات عاليه
و شركات الأدويه حتيجي تترمي في حضنك عشان تديك أحلى بوانص و خصومات
و رشاوي شركات الأدويه للاطباء حتقل بشكل كبيييير
و المريض حيستفيد جدا , لأنك حتخيره مثلا بين صنفين واحد غالي و التاني رخيص
طب خالينا نفكر القرار ده في أيد مين
هل في أيد وزارة الصحه أم في النقابه
و ليه منطالبش بيه زي ما في دول كتير في العالم متحضره عندها النظام بالجينيرك
و لا احنا كصيادله منسمعش غير القرارات الهم زي زيادة مساحة الصيدليه و مفيش مرتجعات و الكلام ده
فكر مكاسب صيدليتك حتزيد أزاي و مشاكلها حتقل أزاي
بقرار بس بقرار
يمنع الأطباء من كتابة الاسم التجاري و يكتب الاسم العلمي
ليه الدكتور يكتب الاسم التجاري؟؟ ايه الفرق بين مضاد حيوي فاركو و العامريه
حتقولي تجربة الدكتور بتقول ان واحد أحسن من واحد
حقولك لأ.. لأن زي ما في دكاتره بتكتب و مقتنعه بالأول فيه دكاتره كمان مقتنعه بالثاني
يعني الاثنين زي بعض
لازم القرار ده
“يمنع الأطباء من كتابة الاسم التجاري و يكتب الاسم العلمي“
لا زم القرار ده يا رجاله
“يمنع الأطباء من كتابة الاسم التجاري و يكتب الاسم العلمي“
و لا انت رأيك ايه , يا ريت تشاركوني بالردود في الاسفل
و لو عايز تدعم القرار ممكن تعمل 3 حاجات
1- أدينا أي معلومات مفيده تعرفها أو ممكن تجيبها
2- أعمل
للفان بيج على الفيس بوك
3- أنشر الوضوع على قد ما تقدر بالشير أو بالايميل أو في المنتديات
واحد لوحده ميقدرش يعمل حاجه بس كلنا مع بعض تقدر نعمل أي حاجه