أربع مشاهد من حياة المندوب
مكالمة تليفون الساعه 12 في الليل
المدير مأنتخ قدام التلفزيون بالبجامه الكستور المستورده و بيأزأز لب سوبر و يتف القشر في قفا ابنه و بعدين فجأه الموبايل بتاعه بيرن فمراته بتقوله مين اللي بيتصل بيك متأخر كده يا نمساوي.
المهم نمساوي بص في الموبايل فوجد واحد من المندوبين بيتصل فقال هو الواد يتصل بيا كل يوم في في نفس الميعاد ,لما ارد عليه أشوفه عايز ايه.
لما نمساوي رد عليه سمع صوت المندوب و كأنه في الشارع أو جوه صيدليه و سأل المدير أي سوأل أهبل كده و خلاص ,لأن المندوب عايز يبين لمديره انه شغال لغاية نص الليل و انه لسه قدامه نص ساعه أو ساعه كمان.
و بعد كده معروف ان المندوب بعد المكالمه دي بيروح بيتهم بسرعه.
يا حبيبي سيب نمساوي في حاله هو فاقس الموضوع و لو عايز تشتغل زياده اشتغل عشان نفسك و بس.