يا ترى انت دخلت صيدله بمزاجك ولا حد “زقك”؟
لعيب كوره , مهندسة ديكور , طيار مدني , مذيعه و حاجات تانيه كتير هي الحاجات اللي قال عليها صيادله في حوار “لذيذ” على صفحة “لو صيدلي دوس و ميهمكش” .
لكن في حاجه مشتركه ما بين أغلبهم و هي انهم مدخلوش صيدله بمزاجهم و لكن بعد ما جابوا مجموع كويس أهلهم أجبروهم بالعافيه أو بالاقناع أو بالتنويم لغاية ما يدخلوا.
على رغم ان الكلام اللي فات يبدوا في شكله انه كوميدي الا انه خطير جدا و هو ان النظام التعليمي و الفكري بتاعنا لسه مش مقتنع ان في عاملين مهمين من اجل تنشئة مجتمع منتج
العامل الأول و هو الموهبه و التاني العلم , الاتنين دول لو توافروا في واحد “بيجيب أخره في الشغل” و ممكن كمان يشتغل كتير جدا و يحس انه مبيشتغلش و انه بس بيمارس هوايه.
أي أب و أم لازم يراقبوا ميول ابنه او بنته و رغباته من صغره و يشجعوه انه ينميها في الاتجاه الصحيح و في المجال اللي بيلاقي نفسه فيه , صدقوني بغض النظر عن المكانه الاجتماعيه أو الماديه اللي أحنا بنصنعها في خيالنا بس لكن ملهاش وجود على الطبيعه
و بالنسبه ليك هل دخلت صيدله بمزاجك ولا حد “زقك” تفضل بالمشاركه بالضغط هنا