عميد صيدلة الاسكندريه يعد وعودا لن تصدق عينيك بعدها-لازم تقرأ
منقول من صفحة صيادلة الاسكندريه على الفيس بوك
http://www.facebook.com/AlexPharma
بتاريخ 24/2/2011
للناس الي لم تحضر النهادره اللقاء مع العميد
حبيت انقل لكم مختصر الي حصل هناك عشان تبقوا في الصورة معانا
في اول اللقاء العميد خلانا نقف دقيقة حداد علي شهداء الثورة
بعدين تم الكلام عن الثورة و ما حققته
بعدين دخلنا في الكلام عن الكلية و مطالب الطلاب
في الاول تم عرض نقطتين علي العميد
1-ان يتم تعيين العميد و الوكلاء و الامناء عن طريق الانتخابات بين الدكاترة
و ان يكون دور الاتحاد فعال 2-ان يتم تعيين اتحاد الطلبة عن طريق انتخابات حرة بين الطلبة
و العميد رد علي النقطتين دول بالاتي
ان مجلس الجماعة قدم استقالته بالفعل
و ان العميد و الوكلاء قدموا الاستقالة
و انهم حيفضلوا في مناصبهم حتي يتم تعيين غيرهم
عشان الكلية تفضل ماشية
و بالنسبة لاتحاد الطلبة فالطلاب في الاتحاد قدم استقالتهم بالفعل
و انه حيتم انتخابات جديدة في الكلية بعد حوالي تلات اسابيع من بدأ الدراسة
بعدين العميد قال لنا انهم حيقوموا بتقديم طلب للائحة جديدة للكلية
و ان الائحة الجديدة حتشمل اشياء مثل
–
الغاء سنة الاعدادي
–التقليل من المواد غير التطبيقية زي ال
organic , analytical
-زيادة المواد الطبية زي
pharmacology, anatomy , physiology
–تقليل ساعات المحاضرات
–تدريس مادة الكلينكال
بس لازم يوافق مجلس الجامعة علي الائحة الجديدة
و الدكتور فوزي وكيل الكلية لشئون الطلاب
طلب ان يختار الطلاب افرد منهم من كل دفعة ليتم الاجتماع معاهم
عشان يناقش معاهم
فانا بطلب من الناس هنا الي عنده اقتراح علي كيفية اختيار من يمثل دفعتنا عشان يتكلم مع الوكيل ياريت يكتب الاقتراح هنا علي التوبيك
عشان المفروض نكون اختارنا الناس يوم السبت
بعد كده تم نقاش عدة نقاط منها
موضوع الكتب و انها غير صالحة للمذاكرة
و العميد وعد انه سيتم اصلاح الموضوع ده
موضوع امتحانات الميد ترم و ان وقتخا بيكون غير مناسب
و العميد قال ان ممكن حل هذا الموضوع ده عن طريق
ان تكون كل امتحانات الميدترم في اسبوع واحد و ان الدراسة تقف في الاسبوع ده
او ان يتم الاعلان عن مواعيد الميدترم في اول الترم الدراسي
موضوع الشفوي و الكوسة الي بتحصل فيه
العميد قال انه من الان لن يسمح لاي حد ان يدخل لدكتور بالواسطة
و ان الطالب الي حديخل لدكتور غير بتاعه حياخد صفر في الشفوي
كمان الطلبة اقترحت انه يتم الغاء الشفوي و ان درجاته تكون علي البريسنتاشين
او ان الشفوي يتم تقليل درجاته مع وضع حد ادني للدرجات في كل قسم
و العميد قال ان اي حد عنده شكوي بخصوص اي دكتور او معيد ممكن يقدمها للدكتورة عزة بتاعت الاناليتكال
و كمان تم الكلام عن موقع الكلية و انه محتاج تطوير
و العميد و عد بتطوير الموقع و الدكتور حسني طلب ان اي طالب عنده القدرة علي المساعدة في تطوير الموقوع يروح له
كمان الدكتور حسني قال انه حيكون المسئول عن نشاط الطلاب
و ان اي مجموعة عندها حاجة عاوزة تنفذها ممكن تروح له و هو حيساعدها
كمان تم طرح نقاط اخري مثل
-تطوير اسلوب الدكاترة في الشرح
-زيادة المستوي العلمي للمعيدين
-تطوير البحث العلمي
-زيادة موارد الكلية
– الاهتمام بالكورسات الصيفية التي تنظمها الكلية
-الاهتام باعداد الطلبة للحياة العمل
كمان تم الكلام عن تشكيل لجان طلابية
تهتم بالشأن العلمي
و محاربة الفساد
و نشر حرية الرأي
كمان العميد قال انه حيتم عمل صفحة رسمية للكلية علي الفيسبوك عشان نتابع عليها اخر الاخبار اثناء الدراسة
ده كان ملخص اللقاء النهارده
و العميد قال ان اول اسبوع من الدراسة حيكون مافيش سكاشن و محاضرات
و انه حيكون مخصص للامتحانات
و ان السيوتكال حتكون يوم الاربعاء من اول اسبوع في الدراسة