كذبة البترول صدقناها.. و احنا الصيادلة عشناها
قبل السفر
ياااااه … أخيرا الفيزا الجات
و حروح بلاد البترول و العز
و اتشال على كفوف الراحه
يا عم ده بيقولك ان السعوديه دي فيها فلوس (زكايب)
عارف يعني ايه زكايب
يعني هات معاك شوال و انت و شطارتك يا عم
و بعدين ده بيقولك ان أقل صيدليه هناك مساحتها أكبر من “سوبرماركت ولاد رجب” بشويه
يعني “برطعه” بقه
يااااااااااااااااااه
و أخد الوف يا جدعان مش “ميات”
و حركب عربيات
و اسكن في فلل
و هحوش فلوس كتييير
انزل مصر أشتري صيدليات و عمارات
يااااااااااااااه
و لا على زباين الصيدليه
ده بيقولك انهم بيعاملوا الصيدلي كأنه حتة “مارون جلاسيه” (مع اني معرفوش-
بيعتبروا الصيدلي ده “ابو العريف” بتاع المنطقه
احترام ايه و ادب ايه في المعامله
يااااااااااااااااه
حقولكوا ايه ولا ايه
ده انا الفرحه مش سايعاني
بعد السفر بشهر واحد
أأأأأأأأأأأأأأأأه
ايه يا جدعان ده هو الفلوس الكتير دي مينفعش اشتري بيها حاجه ليه
ده انا لو سكنت سكن أدمي و اكلت اكله نضيفه الفلوس تخلص
الأسعار هنا جنووووووووووون
أأأأأأأأأأأأأأأأأه
هي الصيدليه كبيره أوي كده ليه
أخد بالي منها ازاااي؟
طب الزبونه اللي سرقت قدامي دي أقولها الزاي انك سرقتي
دول يبهدلوني
و بعدين الزباين بترمي الفلوس كده ليه
و انا اسمي مش “معلم”
ده انا “دكتور” قد الدنيا
هيا الناس دي مش عارفه انا و اهلي عملنا ايه
عشان أعلق الشهاده اللي ورايا دي
أأأأأأأأأأأأأأأأأه
و بعدين مش المجموعه وعدتنا بحوافز و اوفر تايم و حاجات كده
فين الحاجات دي
طيب أشتكي لمين
أنا فهمت أنا هنا ليه مليش صوت
اذا كنت اتهانت في بلدي ,مش هتهان بره
المقاله كامله على www.pcm.me
بصو يا جدعان
مش مهم
أستحمل لغاية لما أنزل الاجازه
أهو حيبقى معايا فلوس أشتري بيها صيدليه صغيره
و شقه محندقه
أستحمل ثلاث أو أربع سنين
المقاله كامله على www.pcm.me
بعد الثلاث أو أربع سنين
بعد أول أجازه
بصوا أنا لا حقول يااااااه و لا أااااااااه و لا حاجه
أستقبال حافل من الأهل و الأصدقاء
و الكل ينصحني أن أحط الفلوس في بنك كويس
أو أنزل أشتريلي قيمة حتتين ثلاثة أرض
و اجيب بالباقي صيدليه أو اتنين
بالاضافه لشقه أو اتنين
ده غير اني لازم اجيب عربيه أو اتنين
ناقص تقولولي أتجوز جوازه أو اتنين
————
المهم انا خدت جلابيتي في سناني
و حمامه على سوق العقارات
و بعد شوية لف ملوش لازمه
نصحوني اروح مكاتب السماسره و العقارات
————
لما رحت للسمسار بدأ يعرض عليا شقق و فلل بأسعار خرافيه
طلبت منه يشوف أقل
دعبس شويه و جابلي مخططات أقل (بس برده غاليه)
طلبت منه يشوف اقل
جاب حاجات غاليه برده
بعدين قالي “هو البيه بيشتغل ايه عشان أشوفلك حاجه تناسبك؟”
تنحنحت نحنوحة اعتزاز
و قلت له “صيدلي في السعوديه”
بصلي من فوق لتحت
و قالي “روح الاسكان و التعمير قدم هناك .. في مساكن شعبيه ممكن تناسبك”
————
خدت الجلبيه في سناني برده
و روحت
بعد ما لقيت ان ولا شقه تناسبني
————-
المهم تاني يوم خطرت في دماغي فكره جريئه
المقاله كامله على www.pcm.me
أنتظروني في الجزء التاني
اللي عايزني أكمل يكتب في التعليقات تحت
و اللي مش عايزني أكمل يكتب برده
———
انت شخص عملي و حاسس انك مخنوق
و عايز تعمل حاجه تحسن بيها وضع الصيادله؟
متتحركش لوحدك اتحرك مع الجماعه