حشيش_ابوصليبه_هروين_حكايتي مع غرزة الصيادلة

السلام عليكم ورحمة الله وبركاته

ياصباح الخير يالي معاانا

ماشي حالك يا باشا مع غرزة الصيادلة
اسمعو عشان انا هفرقع من كلمة عادي ماكل الناس كده
كنت ماسكة صيدلية في التأمين الصحي بعد ماعملت دبلومة فارماكولوجي مع ان ده مش تخصصي
المهم وبعدين
الاقيلكو وانا قاعدة كافية شيري خري
واحد جاي عالشباك شبه المحششين الي بيجو في الافلام
اصرفيلي يا دكتورة العلاج الشهري
علاجه الشهري يا رجالة فتحو معايا عشان انا هفرقع
عبارة عن ايه
خمناشر زجاجة برونكوفين
100 قرص ايفانول
100 قرص رانتيدين
100 قرص اسبازموريست
الراجل بيشتكي من ايه؟
حساسية وطبيعي انتفاخ وكركبة في المعدة
طب الدواء عبارة عن ايه
دواء موسع للشعب
تمام
ادوية حموضة للمعدة ومغص
تماموز
طب انتي ايه الي مزعلك يا ننه
ولا حاجة خليكو معايا احنا في السليم
الحالات بتتكرر قدامي بنفس الادوية
عادي يا باشا الناس تعبانة
طب المشكلة فين دلوقتي؟
طلبيات التأمين الصحي
مالها الطلبيات
احنا بنطلب المادة الفعالة وزي ماتيجي
ازاي
يعني طلبياتنا مش بنحدد اسماء شركات نتعامل معاها
لانها من الاخر بتبقا عبارة عن مناقصات
يعني ايه؟؟؟؟؟؟؟؟؟؟؟؟
يعني الي يدينا بسعر ارخص التأمين بيشيل منه حتي لوقللت المادة الفعالة يا باشا او لاغيتها خالص زي الفل برده
طب وبعدين
جاتلنا الادوية باسماء مختلفة حسب الشركات طبعا انتو فاهمين
بس نفس التركيبة الكيميائية
_________
تاني يوم ايه الي يحصل؟؟؟؟؟؟؟
الحالات المتكررة في العلاج الشهري
صرفت الادوية
واذ بأوفوجأ سير من التظاهرات قدام الصيدلية
وكأني ادتلهم سم فران
هههههههههههه
مش ده الدوا يا دكتورة احنا مش عاوزين بدايل
انتو عايزين تموتونا
افهم واشرح ان ده نفس التركيبة واحنا مش بنتحكم في انواع الشركات
محدش بيفهم غير ده يعني ده
وزادت التشاجرات يوم بعد يوم
علي نفس الاسباب
_________
قرفت وطهقت وسبت التأمين الصحي بقرفه وبكل مافيه من نهب وسرقة وده موضوع تاني يطول شرحه
___________
كنت اعرف دكتور معرفة كده
طلب مني امسكله صيدليته لانه مش فاضي يروحها خالص وعايز حد ثقة وكده يديرها
كنت رافضة مبدأ الصيدليات لاني اتعقدت من الي شفته في التامين
قالي ماتقلقيش معاكي اسيستانت عارف كل حاجة وهو الي هيشتغل
وانتي ماعليكي الا تعقدي عشان توصفي الدواء وتفضلي معاهم لو ماعرفوش يقرو روشتة
ماشي روحت جربت يوم
واذ بأوفوجأ
ادوية بتخرج بكميات كتيرة جدا
انا في التأمين وخده ع كده عشان الادوية انواعها محدود جدا
نوع واحد من كل تركيبة
وبيصرفو علاج شهري
لكن صيدلية بالخارج انواع كتيرة جدا وشركات متعددة من كل تركيبة ومفيش كده خالص!!!!!!!!!!!!!
وناس شكلها عجيب بيترددو باستمرا علي الصيدلية
اغلبهم عمال مباني وطرق وسواقين
وشكلهم مقزز جدا
وبياخدو نفس الادوية
بدون روشتات
الادوية دي ايه يا باشا؟
خد عندك
ايفانول ( موسع للشعب الهوائية)
برونكوفين ( سعال وموسع للشعب)
اكينتون ( شلل رعاشي)
اسبازموريست (تقلصات)
رانتيدين (حموضة)

وناس تانية شكلها متريشة شوية
بيجو يطلبو ايه
خدو عندكو
انافرانيل (منظم للجهاز العصبي والتبول اللاارادي)
كوجينتين (مهدئ) ملحوظة: ده هو ابو صليبة الي بنسمع عنه مع الحشيش
تيجراتول صرع وتنميل)

مع العلم الادوية دي نفسية وعصبية وكانت بتخرج معايا كتير جدا في التأمين
استشاري مخ واعصاب كان بيكتبها
ومع ناس شكلها طبيعي جدا

___________
فضلت مراقبة الي بيحصل حواليا
ومش عارفة اسئل مين
لحد ماقمت سئلت واحد انت بتاخد العلاج ده بقالك قد ايه ومين كاتبهولك وكده
الراجل خد في وشه وجري كأني بحقق معاه
قولت لا بقا
كده شكي تمام
سئلت الاسيستانت علي اساس انه مش فاهم
قولتله اما يجيلك حد يطلب الادوية دي ماتخرجهاش الا بروشتة او اسئلني الاول
طب ليه يا ننه
ماانتي بتقولي الادوية دي ليها اسبابها
ومش عيب ولا حرام
لااااااااااااااااااا
الادوية دي مخدرات يا شباب
فيه منها مفعوله وقتي مع تناول كميات بالشريطين مثلا كل ساعة
وفيه منها ممتد المفعول
يعني كارثة من كوارث الدنيا
اكتشفوها الشباب مع سعرها الرخيص
وبقو بيعدلو بيها مزاجهم
يعني الصيدلية اتحولت لغرزة من تجار المخدرات والمدمنين
نكمل؟
اكمل
لاقيت الولد ارتبك وقالي بس احنا مش بناخد روشتات يا دكتورة
قولتلو الدكتور عارف؟
قالي ايوة
اتصلت بي
حكيتلو الي حصل
تخيلو يقولي ايه؟
ليه يا دكتورة مالها الادوية
ايه يا دكتور يعني مش عارف مالها
اصلها مش ادوية جدول
ايه يعني
بس الشباب بيدمنوها
عادي ما كل الصيدليات كده
عادي!!!!!!!!!!!!!
وانا دكتورة والا بياعة مخدرات؟
ملاك رحمة والا ابليس الادمان
ازاي ادي لواحد علاج وعارفة انه مش علاجه ووخده يدمنو
كان ردو عليا بمنتهي العقل والثقة
والله احنا اشتكينا في وزارة الصحة
لان الاسف الشباب عرفت الحاجات دي وبقت تدمنها وبقت اسهل عندهم انهم يروحو صيدلية علي انهم يشترو من تجار المخدرات بسعر غالي
بس احنا هنعمل ايه
لو انا مادتهوش هيروح يشتري من الصيدلية ال جنبي وابقا خسرت زبون
زبون!!!!!!!!!!!
مش مريض!!!!!!!!!!!!
خالي بالكو بقا اسمه زبون
وبعدين
شركات الادوية اما بتيجي تسوق الدوا ده بتدي عليه بوناص
يا معلم
اشتري كرتونة تاخد اتنين هدية
وكمان يا دكتورة انا مالي ده دواء مصرح به في الوزارة الزبون ياخده يتعالج بيه او بيدمنو او يولع ف نفسه حتي انا مالي ما يتحرق
مشيت وانا علامات الاستفهام علي وشي ومخنوقة من العياط مش مصدقة الي بسمعه وبشوفه
وطبعا قولتله انا مش جاية تاني
وشريط قدامي بيمر من الي كان بيحصل في التأمين وماكنتش فاهماه
سواء الدكتور البشري او الصيدلي كلهم شركاء في غرزة وحدة
والي اكتشفتو بعدها ان مدمنيين التامين الصحي كانو بيصرفو الدواء ويتقسموه مع الدكاترة
والي اكتشفتو برده بعدها اما سئلت في صيدليات كتير ان فعلا اغلب الصيدليات فيها كده
حوالي اكتر من 60% من الصيدليات اتحولت لغرزة من المخدرات
وكله عادي
ووزارة الصحة عارفة
لان مفيش قانون يمنع تداول الادوية دي
وماشي حالك يا باشا
وايه كمان في موقف من المواقف
كان فيه دكتور عندنا بيكتب ادوية لزبون
هههههههههههههههه
ايون زبون ماهي بقت كده
كان كاتبله كميات رهيبة مش تكفي بس شهرين لا تكفي 7 او 8 شهور
بلغت المدير دافع عنه وقالي ده مريض نفسي ومحتاج فعلا الدوا ده
رغم ان الدو مكنش نفسي
جادلت قدامه كتير ماوصلتش لحاجة
والمريض ده كان معاه شهادة معاملة اطفال مضروبة عشان يبلطج بيها بمزاجه وياخد الي هو عاوزه بجنون
بلغت عنه في التموين الطبي ووصلت الموضوع لامانة الفرع
تعرف ايه الي حصل؟
الزبون ده مش شفته تاني في العيادة
بس شفته بعدها صدفة في عيادة في منطقة تانية وبيصرف نفس الدوا

امضاء………
بروف ننه جاهين