عن دوالي الخصيتين

دوالي الخصيتين موضوع كبير .. عشان نعمل عنه موضوع متكامل حيحتاج أكتر من بوست عشان الناس ما تزهقش .. و لكن حنحاول نقول لكم وجهة نظرنا فى شوية نقط كتير ممكن تتعارض مع كتير من كلام الأطباء و الجراحين فى النقطة دى .. و ربنا يستر ..

.
1) لو مفيش ألم أو ضعف فى الحيوانات المنوية بأى شكل .. ما تعملش العملية .. العلاج أولا ..
.
2) لو فيه ضعف فى الحيوانات المنوية , نسأل على درجة الدوالى (مدى شدتها يعنى) .. لو فى البداية .. ممكن ما نحتاجش العملية برضه ..
.
3) الدوالى هى اتساع و التواء فى الأوعية الدموية اللى بتوصل الدم للخصيتين .. و ده بيقلل من الـ oxygenation بتاعة الدم ده , عشان حركته بتبطأ , و ده ممكن يؤثر فى جودة و حيوية الحيوانات المنوية , و ممكن يسبب ألم كمان ..
.
4) الأدوية اللى ممكن تجيب نتيجة “دافلون” و “ترينتال” و “ألفنترن” .. و المفروض نستخدمها لفترة طويلة .. من 3 لـ 6 شهور , قبل ما نقول إنها ما جابتش نتيجة مع الحالة ..
.
5) الحزق و شيل التقيل و الانتصاب المتكرر بدون داعى , سبب كافى لتفاقم الحالة , بجانب الاستعداد الوراثى طبعا ..
.
6) الحالة ممكن ما تتحسنش , أو يحصل دوالى فى مكان تانى غير اللى تمت فيه العملية , بعد إتمام العملية بالفعل ..
.
7) ‫#‏الزتونة‬ : الدوالى بترفع من درجة الحرارة حول الخصيتين , و ‫#‏التبريد‬ بكمادات مية ساقعة (مش تلج) مرتين يوميا , يعتبر علاج لها , و لكنه غير منتبه له – مع علاجات تانية كتير – للمشاكل المشابهة اللى ممكن تؤدى إلى ضعف الحيوانات المنوية ..
.
8) نشرك للمعلومات دى ممكن يكون سبب فى إن ربنا يرزق حد تعرفه – أو ما تعرفهوش – بالذرية الصالحة ..:) ..

بقلم دكتور : أحمد الجويلى

https://www.facebook.com/ahmed.elgewaily